ԵՐԵՎԱՆ, 13 հուլիսի — Sputnik. Яндекс-ն ու Uber-ը որոշել են միավորել ուղևորությունների առցանց պատվերների բիզնեսն ու ստեղծել մի նոր ընկերություն, որը կգլխավորի «Яндекс.Такси»-ի գլխավոր տնօրեն Տիգրան Խուդավերդյանը։ Այս մասին հայտնում է «Վեդոմոստին»։
Նոր ընկերությունը կգործի Ռուսաստանում, Հայաստանում, Վրաստանում, Բելառուսում, Ղազախստանում և Ադրբեջանում։ Նշված երկրներում ընկերության կազմում կընդգրկվի նաև UberEATS-ը։
Ուղևորության պատվեր գրանցելու համար հասանելի կլինեն երկու հավելվածները։
Խուդավերդյանը նշել է, որ երկու ընկերությունները պատրաստվում են «անհատական հասարակական տրանսպորտ» ձևավորել` որպես անձնական ավտոմեքենայի այլընտրանք։
