ԵՐԵՎԱՆ, 13 հուլիսի — Sputnik. Երևանում ծնված հնգյակից ողջ մնացած փոքրիկներից մեկը` Ռոզան, 68 օր վերակենդանացման բաժանմունքում անցկացնելուց հետո դուրս է գրվել հիվանդանոցից։ Փոքրիկի վիճակը լավ է, նա առողջ է և ապրելու է։ Sputnik Արմենիայի հետ զրույցում այս մասին ասաց Հայաստանի գլխավոր նեոնատոլոգ Պավել Մազմանյանը։
«Փոքրիկը 830 գրամ էր ծնվել։ Մենք նրան դուրս ենք գրել 2 օր առաջ` 2 կգ 150 գրամ քաշով»,- ասաց Մազմանյանը։
Երկրորդ փոքրիկը դեռ պետք է մնա բժիշկների հսկողության տակ, բայց նրա քաշը նույնպես ավելանում է։
Հիշեցնենք, որ մայիսի 3-ին Արշալույս գյուղի 23-ամյա Լուսինե Պողոսյանը լույս աշխարհ էր բերել միանգամից 5 զավակ` չորս աղջիկ և մեկ տղա։ Փոքրիկներից մեկը մահացել էր մայիսի 6-ին, մյուսը` 7-ին, երրորդը` մայիսի 14-ին։
