Շարմազանով. «Ահաբեկչությունը պոզով-պոչով չի լինում, Ադրբեջանն այդպիսի երկիր է»

Ադրբեջանի գործունեությունը տարածաշրջանում կարելի է բնութագրել միայն որպես ահաբեկչություն,կարծում է ԱԺ փոխխոսնակ Էդուարդ Շարմազանովը։

Նա համոզված է, որ  Հայաստանը միջազգային հանրությանը պետք է կներկայացնի իրականությունը՝ այն, որ Ադրբեջանն իր բնույթով ահաբեկչական երկիր է։

«Այդ պետությունը դա ապացուցեց ապրիլյան պատերազմի ժամանակ. տարեցներին ու երեխաներին սպանելով, զոհվածներին խոշտանգելով, իսկ այսօր արդեն սեփական ողբերգությամբ փիար անելը, երբ երկու տարեկան երեխայի մահն են դրոշակ դարձրել, բնորոշ է ահաբեկչական երկրին»,- ասաց Շարմազանովն՝ ընդգծելով, որ  միջազգային հանրությունը, ինչպես տեսանք, ուշադրություն չդարձրեց Ադրբեջանի այդ էժանագին հնարքին։

Զրույցն ամբողջությամբ կարող եք ունկնդրել Sputnik Արմենիա ռադիոկայանի եթերում (FM106)։