Ըստ Շարմազանովի` Մամեդյարովն իր հայտարարությամբ ձեռնոց է նետում Իլհամ Ալիևի հայրիկին` Հեյդար Ալիևին։
«Հեյդար Ալիևը, անդրադառնալով Թուրքիայի և Ադրբեջանի թեմային, մշտապես նշել է «մեկ ազգ` երկու պետություն» կարգախոսը: Այսինքն` Հեյդար Ալիևը մշտապես խոսել է, որ ադրբեջանցիները և թուրքերը մեկ ազգ են, իսկ թուրքերը տարածաշրջան են ներթափանցել 11-րդ դարին»,- ասաց Շարմազանովը։
Ըստ ԱԺ փոխոսնակի` «ժամանակն է, որ Մամեդյարովը կողմնորոշվի` իրենք թուրք են, թե՞ աղվանցի»։
Նշենք, որ հուլիսի 9-ին Ադրբեջանի արտաքին գործերի նախարար Էլմար Մամեդյարովը ադրբեջանական դիվանագետների հետ հանդիպման ժամանակ նշել է, թե իբր Արցախն Ադրբեջանի պատմական տարածքն է, Ադրբեջանը հազարամյակների պատմություն ունի, ինչպես նաև Ղարաբաղյան հակամարտությունը պետք է կարգավորվի տարածքային ամբողջականության սկզբունքի հիման վրա:
