Նաիրա Զոհրաբյան
«Ուլտրամանուշակագույն ճառագայթների բարձր ինդեքսի՞ց է, թե՞ ջերմային ֆոնի բարձր պրեսինգից, որ այս քանի օրը հաշվետվությունների ժամանակ շատ տարօրինակ հայտարարություններ են հնչում»,- հայտարարել է «Ծառուկյան» խմբակցության պատգամավոր Նաիրա Զոհրաբյանը:
Գլխավոր դատախազը հայտարարում է, որ դատախազության ոլորտում կոռուպցիոն ռիսկերը զրոյացված են, այսինքն՝ մենք, ի դեմս 330 դատախազների, ունենք սրբադասության հավակնորդների, հեգնել է պատգամավորը:
Նաիրա Զոհրաբյանի խոսքով՝ մնում է դիմել Մայր Աթոռ՝ գոնե սկզբի համար 330 դատախազների սրբերի դասը կարգելու համար:
Զրույցն ամբողջությամբ կարող եք ունկնդրել Sputnik Արմենիա ռադիոկայանի եթերում (FM106)։
