Լիբանանահայ երիտասարդ Ճագ Սեփիլյանը ընկերուհուն՝ Սարին Այնեճյանին ամուսնության առաջարկ է արել Բեյրութ-Երևան չվերթն իրականացնող ինքնաթիռում:
Երիտասարդն առաջարկն անելուց առաջ ուղևորներին պատմել է երկու տարի առաջ իր կյանքում պատահած դեպքի մասին:
«Երկու տարի առաջ հայրս Հայաստանում մահացավ: Բեյրութ վերադառնալու ժամանակ ծանոթացա մեկի հետ, ով փոխեց կյանքս: Սարինի հետ ծանոթանալուց հետո իմ կյանքը լիովին փոխվեց` գործս զարգացավ, ֆինանսական վիճակս կայունացավ… Ասես՝ Աստված ինձ հրեշտակ ուղարկեց: Այդ պատճառով երկու տարի անց` դարձյալ նույն ամսին, մենք գնում ենք Հայաստան՝ նշելու մեր ծանոթության երկու տարին»,- ասել է նա:
Այնուհետև սիրահարված տղամարդը ծնկի է եկել ու ասել. «Սարին Այնեճյան, ես սիրում եմ քեզ, ամուսնացիր ինձ հետ»։ Դե իսկ աղջկա պատասխանը կարելի էր կանխատեսել։
