ԵՐԵՎԱՆ, 5 հուլիսի — Sputnik. Սիրուշոյի և Sebu-ի «Վույ աման» երգն արդեն մեկ ամիս է` հիթ է դարձել համացանցում: Երգիչները երկրպագուների դատին են հանձնել նաև երգի տեսահոլովակը:
«Պատրաստ է։ «Վույ աման» երգի տեսահոլովակն արդեն Youtube-ում է»,- ֆեյսբուքյան իր էջում գրել է Սիրուշոն։
Գրառմանը հաջորդած մեկնաբանություններից կարելի է դատել, որ երկրպագուներին դուր է եկել տեսահոլովակը։
«Հրաշալի երգ և ճաշակով տեսահոլովակ, ինչպես միշտ հիանալի էր ամեն ինչ, մտածված ու սիրուն»,- գրել են ֆեյսբուքյան օգտատերերը։
Նշենք, որ տեսահոլովակի որոշ տեսարանները նկարահանվել են Սևանում:
