ԵՐԵՎԱՆ, 5 հունիսի — Sputnik. ՀՀ արտաքին գործերի նախարար Էդվարդ Նալբանդյանը հեռախոսազրույց է ունեցել ԵԱՀԿ Մինսկի խմբի համանախագահների հետ: Այդ մասին Twitter-ի իր միկրոբլոգում գրել է արտգործնախարարության մամուլի խոսնակ Տիգրան Բալայանը:
«Նալբանդյանը ՄԽ համանախագահներին է ներկայացրել Ադրբեջանի սադրանքից հետո առկա իրադրությունը»,-նշել է Բալայանը:
During phone conversations with OSCE MG co-chairs, FM #Nalbandian presented the situation after #Azerbaijan|i provocation. pic.twitter.com/JhikDVyiM9
— Tigran Balayan (@tbalayan) 5 июля 2017 г.
Հիշեցնենք, որ Արցախի Հանրապետության պաշտպանության նախարարությունը երեկ հաղորդագրություն էր տարածել և տեղեկացրել, որ ադրբեջանական զինուժը շփման գծում խախտել է հրադադարը՝ կիրառելով TR-107 համազարկային հրթիռային կայանք։ Հայկական կողմն ավելի ուշ դիմել է պատասխան գործողությունների՝ հակառակորդին պատճառելով կորուստներ։
Այսօր Մինսկի խմբի համանախագահները հայտարարություն են տարածել, որում կոչ են անում ԼՂ հակամարտության կողմերին դադարեցնել ռազմական գործողությունը և վերադառնալ բանակցային սեղանի շուրջ։
