Հուլիսի 3-ին Չինաստանի Գուանչժոու քաղաքի անցորդները նկատել են, որ ավտոբուսի ղեկի դիմաց դպրոցական է նստած, նրանք անմիջապես զանգել են ոստիկանություն։
Ավտոբուսը հաջողվել է կանգնեցնել միայն 40 րոպե անց։ Այդ ընթացքում տղան առանց վթարների վարել է ավտոբուսը։
Առայժմ պարզ չէ, թե ինչպես է դպրոցականը կարողացել առևանգել ավտոբուսը, հայտնի է միայն, որ դռան ապակյա հատվածը կոտրված է եղել։
Տրասնպորտային ընկերությունը, որին պատկանում է ավտոբուսը, հայտնել է, որ առևանգողին հաջողվել է գտնել GPS սարքի միջոցով։
Երբ ոստիկանները հարցեր են տվել առևանգման մասին, տղան փակել է դեմքը` հրաժարվելով պատասխանել հարցերին։
ԶԼՄ-ները գրում են, որ նրա նկատմամբ մեղադրանք չի առաջադրվել տարիքի պատճառով։
