ԵՐԵՎԱՆ, 3 հուլիսի — Sputnik. Հայ կիսապաշտպան Հենրիխ Մխիթարյանի 11 գոլով տեսահոլովակը հայտնվել է «Մանչեսթեր Յունայթեդի» կայքում։
«Հայաստանի հավաքականի ֆուտբոլիստ Հենրիխ Մխիթարյանի առաջին սեզոնը «Մանչեսթեր Յունայթեդում» ստիպում է մեզ միայն մի բանի մասին մտածել․ նա հիանալի գոլեր է խփում։ Իհարկե, Մխիթարյանի՝ «Սանդերլենդի» դարպաս ուղարկած գնդակը սեզոնի լավագույն գոլն է համարվել, նաև՝ ամսվա լավագույն գոլը», ասված է կայքում։
Հայ կիսապաշտպանը մրցաշրջանը փակեց 11 գոլով՝ ներառյալ վեց որոշիչ գոլերը Եվրոպայի լիգայում, որոնք հնարավորություն տվեցին «ՄՅ»-ին հաղթել և երաշխավորեցին ակումբի մասնակցությունը Չեմպիոնների լիգայում։
2016 թվականի ամռանը Մխիթարյանը տեղափոխվել է «կարմիր դևերի» մոտ Դորտմունդի «Բորուսիայից», որի կազմում նա խաղում էր 2013 թվականից` «Մանչեսթեր Յունայթեդի» հետ ստորագրելով քառամյա պայմանագիր` մեկ տարի երկարացնելու հնարավորությամբ։ Կիսապաշտպանի տրանսֆերի համար ակումբը վճարել է 42 միլիոն եվրո։
