Լավ թե վատ կանդրադառնան այս փոփոխությունները Հայաստանի օլիմպիական թիմի վրա՝ Տոկիոն ցույց կտա, իսկ հիմա այն մասին՝ ինչ է որոշել ՄՕԿ-ը (Միջազգային օլիմպիական կոմիտե), և ինչու է այդպես որոշել։
Ի՞նչ նորություն կա, բացի երկու մասի կիսած բասկետբոլի դաշտից և խաղացողների կրճատումից։ Ծրագրում պատրաստվում են ներառել սքեյթբորդը, սպորտային ժայռամագլցումն ու սերֆինգը։
Լուսավոր հեռանկարներ ունի թեթև աթլետիկան․ խառը վազքամրցում է նախասեղվում՝4х400 մետր, ուր աշխարհի ամենաարագ վազող տղամարդիկ վազելու են ամենաարագ վազող կանաց հետ (կամ առաջ)։
Ուղղակի պատկերացրեք՝ ինչպես կնայվեր խառը վազքամրցումը Ռիո դե Ժանեյրոյի Օլիմպիական խաղերին՝ Մայքլ Ֆեկփսին Քեթի Լեդեկիի հետ նույն մրցման ընթացքում։
«Տեսարան» բառն այստեղ առանցքային է․ այդպիսով ՄՕԿ-ի պաշտոնյաները հույս ունեն ավելացնել երկրպագուների թիվն, ինչն, իր հերթին, կբերի դոլարների բազմապատկմանը, իսկ դա օլիմպիադայի համար մեծ կարևորություն ունի։ Տոկիոյի օլիմպիադան ինչ-որ իմաստով ոչնչացնում է սպորտային տրամադրված կանանց «խտրականությունը» սպորտային կազմվածք ունեցող տղամարդկանց հանդեպ։ Ահա ևս մի նորույթ։ Առաջին անգամ չորս մարզաձևերի համար (կանոեի թիահարում, ակադեմիական թիահարում, հրաձգություն, ծանր աթլետիկա) նույն քանակությամբ մրցումներ են անցկացվելու, այսինքն՝ կանանց և տղամարդկանց մեդալների թիվը կհավասարվի։
Հիմա այն մասին, թե ինչ են կորցրել ինչպես կանայք, այնպես էլ տղամարդիկ։ Ծանր աթլետիկան մնաց առանց մի ամբողջ քաշային կարգի․ մի բան ավելացնելու համար պետք է մի այլ բան պակասեցնել։ Բայց այստեղ հարցը միայն թվաբանությունը չէ, այլև օլիմպիական շարժման իդեալներին հետևելու հարցն է, որը բացառում է դոպինգի օգտագործումը։
Բոլորը հիշում են իրարանցումներն այդ թեմայի շուրջ․ դոպինգի օգտագործման շնորհիվ ստացած մեդալների թիվը տասնյակների է հասնում, և օլիմպիադայից օլիմպիադա միայն աճում է։ Հատկանշական է, որ այսպիսի ուռճացրած ռեկորդների մեծ մասը ծանր աթլետներինն է, ինչի պատճառով նաև խոսակցություններ կան մետաղաձողը խաղերից ժամանակավոր բացառելու մասին։
Ի՞նչ եք կարծում, ինչ մեդալ կստանար լեհ ծանր աթլետ Տոմաշ Զելինսկին, որը 2012 թվականի օլիմպիադային ոչինչ չնշանակող իններորդ տեղն էր զբաղեցրել։ Տոմաշ Զելինսկին բրոնզե մեդալ ստացավ։ Քանի որ նրանից առաջ ընկած վեց ծանր աթլետները չէին անցել դոպինգ-վերահսկողությունը։ Ավելի ուշ Օլիմպիադա-2016-ի մասնակցությունից հեռացվեց նաև ինքը՝ Տոմաշ Զելինսկին։
Ի՞նչ եք կարծում՝ ինչու. քանի որ չէր անցել դոպինգ-վերահսկողությունը։ Ինչից հետո ՄՕԿ-ի նախագահ Թոմաս Բախը Ծանր աթլետիկայի ֆեդերացիային զգուշացում արեց՝ եթե խելքներդ գլուխներդ չհավաքեք և իրավիճակը չուղղեք, ծանր աթլետները միայն կերազեն Օլիմպիադա — 2024-ին մասնակցելու մասին։
…Անցած խաղերի ժամանակն Հայաստանը ներկայացնում էին երեսուներկու մարզիկ ութ մարզաձևում։ Նրանք նվաճեցին մեկ ոսկե և երեք արծաթե մեդալ։ Ձմեռային և ամառային օլիմպիական խաղերին հանրապետությունը մասնակցել է վեցական անգամ՝ տասնինը մարզաձևով։
Մրցումների նոր ձևերը, այսինքն՝ սքեյթբորդը, սպորտային ժայռամագլցումն ու սերֆինգը, որոնք պետք է ներառվեն առաջիկա օլիմպիադայի ծրագրում, մեզ համար, իհարկե, նոր են, բայց արտասովոր չեն։ Սքեյթի սիրահար տղաները մեզ մոտ շատ-շատ են, Սևանի ալիքն, իհարկե, սերֆինգի համար այդքան էլ համապատասխան չէ, փոխարենը՝ ժայռամագլցման հարցում մենք, ինչպես Դիլիջանն իր ջրով, աշխարհում երկրորդն ենք։ Սրանից բխող հաջողության հասնելու հույսերով։
