Գոհար Սարգսյան, Sputnik
«Ելք» խմբակցությունից Երևանի ավագանու անդամ Անահիտ Բախշյանը դեռևս 2016 թվականի վերջին՝ քաղաքացիական նախաձեռնությանը զուգահեռ, նախագիծ էր ներկայացրել: Պահանջն էր՝ Լենինգրադյան փողոցն անվանակոչել Լեոնիդ Ազգալդյանի անունով: 4 ամիս ժամանակ կար, որ հարցը քննարկվեր, վերջը 2017 թվականի մայիսին նախագիծը հասավ մշակույթի և կրթության հանձնաժողով:
![Анаит Бахшян в гостях у радио Sputnik Армения Анаит Бахшян в гостях у радио Sputnik Армения - Sputnik Արմենիա](https://cdn.am.sputniknews.ru/img/744/74/7447413_0:0:1600:1068_600x0_80_0_0_50efa3322fcca932157e0263d3c3df13.jpg)
«Այն քննարկվեց, ես զգացի, որ ավագանու անդամների մեծ մասը պիտի դեմ քվեարկի: Ասում էին` դուք պողոտայի ժողովրդին հարցրե՞լ եք, իրենք համաձա՞յն են, Լենինգրադը պատմական հիշողություն է մեզ համար և նման այլ պատճառաբանություններ: Որպեսզի դեմ չքվեարկեն, առաջարկեցի հետաձգեն հարցը: Սեպտեմբերից կսկսվի նոր ավագանու աշխատանքը: «Ելքի» ծրագրում հստակ գրված է` Լենինգրադյան փողոցը վերանվանել Ազգալդյանի անունով»,- պատմեց Բախշյանը:
Հենց Լենինգրադյան փողոցը Ազգալդյանի անունով կոչելու նախաձեռնությունը ազգային պարարվեստի գործիչ, Լեոնիդ Ազգալդյանի ազատագրական բանակի ջոկատի ազատամարտիկ Գագիկ Գինոսյանը համարում է անխոցելի տարբերակ:
![Гагик Гиносян Гагик Гиносян - Sputnik Արմենիա](https://cdn.am.sputniknews.ru/img/501/11/5011178_0:0:1600:1068_600x0_80_0_0_8fb804d47333e6ab7491660231cc40f8.jpg)
«Այլևս գոյություն չունի այդ քաղաքը, ոչ մեկին չես վիրավորի` փողոցն անվանակոչելով։ Չեղած փողոցի անուն է։ Մարդիկ փոխել են, մենք վախենում ենք այդ անվանը կպչել»,- ասաց նա:
Գագիկ Գինոսյանն էլ այլ առաջարկ ունի՝ Ազգալդյանի անունով կոչել Բաբայան փողոցի այն հատվածը, որտեղ ապրել է հերոսը:
«Բաբայան փողոցը կիսվում է երկու մասի Ազատության պողոտայով։ Հնարավոր է մի հատվածը, որտեղ մինչև իր կյանքի վերջին օրը ապրել է Ազգալդյանը, որն ակամայից ազատագրական բանակի շտաբի, նաև զենքերի փորձարկման սենյակի էր վերածվել, կրի նրա անունը: Ես շեշտում եմ՝ Բաբայան փողոցի մի հատվածը, չեմ ասում՝ ամբողջությամբ, որովհետև Բաբայանն էլ Երկրորդ համաշխարհային պատերազմի ժամանակ Բեռլինի ազատագրմանը մասնակցած Սովետական միության հերոս էր»,-ասաց Գինոսյանը:
![Լենինգրադյան փողոցը, որն առաջարկվում է անվանակոչել արցախյան ազատամարտի հերոս Լեոնիդ Ազգալդյանի անունով Լենինգրադյան փողոցը, որն առաջարկվում է անվանակոչել արցախյան ազատամարտի հերոս Լեոնիդ Ազգալդյանի անունով - Sputnik Արմենիա](https://cdn.am.sputniknews.ru/img/780/61/7806131_1:0:1599:1065_600x0_80_0_0_b63aa8a6e25d5fa817942f22b5826df7.jpg)
![Լենինգրադյան փողոցը, որն առաջարկվում է անվանակոչել արցախյան ազատամարտի հերոս Լեոնիդ Ազգալդյանի անունով Լենինգրադյան փողոցը, որն առաջարկվում է անվանակոչել արցախյան ազատամարտի հերոս Լեոնիդ Ազգալդյանի անունով - Sputnik Արմենիա](https://cdn.am.sputniknews.ru/img/780/59/7805968_0:31:1600:1036_600x0_80_0_0_4aa5cd8bdfe6040ba96ce680d1db9358.jpg)
![Լենինգրադյան փողոցը, որն առաջարկվում է անվանակոչել արցախյան ազատամարտի հերոս Լեոնիդ Ազգալդյանի անունով Լենինգրադյան փողոցը, որն առաջարկվում է անվանակոչել արցախյան ազատամարտի հերոս Լեոնիդ Ազգալդյանի անունով - Sputnik Արմենիա](https://cdn.am.sputniknews.ru/img/780/59/7805911_0:29:1600:1035_600x0_80_0_0_760f65ed981bceeecfa5147fd9fe6ab0.jpg)
![Լենինգրադյան փողոցը, որն առաջարկվում է անվանակոչել արցախյան ազատամարտի հերոս Լեոնիդ Ազգալդյանի անունով Լենինգրադյան փողոցը, որն առաջարկվում է անվանակոչել արցախյան ազատամարտի հերոս Լեոնիդ Ազգալդյանի անունով - Sputnik Արմենիա](https://cdn.am.sputniknews.ru/img/780/60/7806069_0:29:1600:1035_600x0_80_0_0_c01bd2d59a2f0444efed99e2f97678fd.jpg)
![Լենինգրադյան փողոցը, որն առաջարկվում է անվանակոչել արցախյան ազատամարտի հերոս Լեոնիդ Ազգալդյանի անունով Լենինգրադյան փողոցը, որն առաջարկվում է անվանակոչել արցախյան ազատամարտի հերոս Լեոնիդ Ազգալդյանի անունով - Sputnik Արմենիա](https://cdn.am.sputniknews.ru/img/780/57/7805732_0:30:1600:1036_600x0_80_0_0_0f8503bc8f3cb5039719cb6bba69807b.jpg)
![Լենինգրադյան փողոցը, որն առաջարկվում է անվանակոչել արցախյան ազատամարտի հերոս Լեոնիդ Ազգալդյանի անունով Լենինգրադյան փողոցը, որն առաջարկվում է անվանակոչել արցախյան ազատամարտի հերոս Լեոնիդ Ազգալդյանի անունով - Sputnik Արմենիա](https://cdn.am.sputniknews.ru/img/780/57/7805789_0:30:1600:1036_600x0_80_0_0_eb27498a1c7fd573ba324f14018cee64.jpg)
![Լենինգրադյան փողոցը, որն առաջարկվում է անվանակոչել արցախյան ազատամարտի հերոս Լեոնիդ Ազգալդյանի անունով Լենինգրադյան փողոցը, որն առաջարկվում է անվանակոչել արցախյան ազատամարտի հերոս Լեոնիդ Ազգալդյանի անունով - Sputnik Արմենիա](https://cdn.am.sputniknews.ru/img/780/56/7805674_0:31:1600:1036_600x0_80_0_0_a7151ebf13ff8166bd14f0a93deced98.jpg)
Մեզ հետ զրույցում Գագիկ Գինոսյանը հայտնեց, որ տարբեր հասցեներով, ընդհուպ մինչև Բաղրամյան 26, նամակներ է ուղարկել: Նրա խոսքով՝ նամակները անպատասխան կորում էին:
«Ժամանակին դիմում եմ գրել նաև ՀՀ նախագահին, որ գոնե անկախության 25-ամյակին հերոսին կոչում չշնորհելու այդ մարատոնիումը վերացվի: Տարբեր պատասխաններ են լինում, որ դա մեկ օրում որոշելու բան չէ: Հիշենք, որ ամբողջ երկու տարի Մարտակերտի և Շահումյանի շրջանները չէին ընկնում թուրքի ձեռքը հենց Ազգալդյանի կազմակերպած ինքնապաշտպանության շնորհիվ: Նա ազատագրել է 27 գյուղ, 4 տարում նրա ղեկավարած ջոկատը 6 զինվոր է կորցրել»,-պատմեց Գինոսյանը:
Երևանի ավագանու անդամն ու Արցախյան ազատամարտի մասնակիցը կարծում են, որ իշխանության կողմից այս գործը կյանքի կոչելու համար քաղաքական կամք չկա: