ԵՐԵՎԱՆ, 30 հունիսի — Sputnik. Առավոտից Միսաք Մանուշյանի անվան պուրակում տիկնիկներն իրենց տեղերն էին զբաղեցնում, իսկ մյուս կողմում էլ երեխաները երգուպարի վերջին վարժանքներն էին կատարում:
![«Խոսող խաղալիք» մանկական 4-րդ փառատոն «Խոսող խաղալիք» մանկական 4-րդ փառատոն - Sputnik Արմենիա](https://cdn.am.sputniknews.ru/img/779/45/7794554_0:0:1600:1004_600x0_80_0_0_9608dc7e2fc545b83b101158f8bf3c19.jpg)
![«Խոսող խաղալիք» մանկական 4-րդ փառատոն «Խոսող խաղալիք» մանկական 4-րդ փառատոն - Sputnik Արմենիա](https://cdn.am.sputniknews.ru/img/779/42/7794280_0:0:1599:1004_600x0_80_0_0_36ebaf543c556824cffee025a7e40224.jpg)
![«Խոսող խաղալիք» մանկական 4-րդ փառատոն «Խոսող խաղալիք» մանկական 4-րդ փառատոն - Sputnik Արմենիա](https://cdn.am.sputniknews.ru/img/779/41/7794142_0:63:1600:1068_600x0_80_0_0_36e35781a6b2d557179aeceb4faf1990.jpg)
Ուղիղ 11:00-ին մեկնարկեց «Խոսող խաղալիք» մանկական փառատոնը: Մինչև 21:00-ն երեխաներն ու նաև նրանց ծնողները կարող են ժամանել պուրակ և ծանոթանալ տիկնիկագործության հմտություններին ոչ միայն դիտողի, այլև գործողի կարգավիճակում:
««Երևանյան ամառ» միջոցառումների եռամսյա ծրագրի շրջանակում սա ամենագունագեղ և ուրախ միջոցառումներից է։ Ժամը մեկ երեխաները հնարավորություն են ունենալու սեփական ձեռքերով պատրաստել թղթից մինչև տեքստիլային տիկնիկներ։ Իսկ հետո իրենց ստեղծագործությունները կտանեն տուն»,- պատմեց Պատանեկության ստեղծագործական կենտրոնի տնօրեն Նարե Արամյանը։
Նրա խոսքով` երեխաները, նման միջոցառումների մասնակցելով, նաև կարողանում են հասկանալ` ինչպիսի հնարավորություններ կարող են ունենալ արտիստիկ ոլորտներում։
![Наре Арамян Наре Арамян - Sputnik Արմենիա](https://cdn.am.sputniknews.ru/img/779/42/7794207_0:0:1600:1038_600x0_80_0_0_69ca86ab72de8c16764c0875c434e0d5.jpg)
Այն ընթացքում, երբ երեխաները երգում ու պարում էին`ազդարարելով փառատոնի մեկնարկը, տիկնիկագործները խնամքով դասավորում էին իրենց ձեռքի աշխատանքները:
Ալլա Սարգսյանը պատմեց, որ ամեն անգամ տիկնիկները դասավորելիս կամ մի տեղ տանելիս պարտադիր խոսում է նրանց հետ, խորհուրդներ տալիս։
«Մաղթանքներ ու խորհուրդներ եմ տալիս,, որ իրենց լավ պահեն, ժպտան հաճախորդներին։ Պարտադիր պրոցես է տիկնիկների հետ խոսելը։ Պետք է սիրով պատրաստես տիկնիկը, այդ դեպքում այն շունչ է առնում»,- վստահեցրեց տիկնիկագործը։
Նա մեզ հետ զրույցում պատմեց, որ տիկնիկագործությունը մեր երկրում մեծ պահանջարկ չի վայելում, բայց քայլ առ քայլ զարգանում է։
![Алла Саргсян Алла Саргсян - Sputnik Արմենիա](https://cdn.am.sputniknews.ru/img/779/44/7794410_0:0:1600:1068_600x0_80_0_0_f6c19f4ca3e5546be9b9cfe1e16e6a60.jpg)