ԵՐԵՎԱՆ, 30 հունիսի — Sputnik. Հայաստանի և Ադրբեջանի արտգործնախարարներ Էդվարդ Նալբանդյանի և Էլմար Մամեդյարովի հանդիպումը կկայանա հուլիսի 11-ին ավստրիական Մաուերբախ քաղաքում: ՌԻԱ Նովոստիին այդ մասին հայտնել է դիվանագիտական շրջանակներում աղբյուրը:
«Երկրների արտգործնախարարներին առաջարկվել է հանդիպել ԵԱՀԿ երկրների արտգործնախարարների ոչ պաշտոնական հանդիպման շրջանակում, որը տեղի է ունենալու հուլիսի 11-ին ավստրիական Մաուերբախում: Սպասվում է, որ Լեռնային Ղարաբաղի հակամարտության հարցով միջնորդները նույնպես կմասնակցեն հանդիպմանը»,- ասել է գործակալության զրուցակիցը:
Նշենք, որ Էդվարդ Նալբանդյանի և Էլմար Մամեդյարովի վերջին հանդիպումը կայացել էր այս տարվա ապրիլի 28-ին Մոսկվայում։
