ԵՐԵՎԱՆ, 29 հունիսի — Sputnik. Հայտնի շոումեն և հաղորդավար Գարի Մարտիրոսյանի կինը` Ժաննա Լևինան, ընկերուհիների հետ պարել է Երևանի օպերայի և բալետի ազգային ակադեմիական թատրոնի բակում։
Լևինան կարապների պարի տեսանյութը տեղադրել է Instagram–ի իր էջում։
«Օպերայի և բալետի ազգային ակադեմիական թատրոնի շենքը, ի զարմանս ինձ, չօգնեց ի կատար ածել խորը դրամատուրգիական մտահղացումը: Իսկ երբ վեց ժամվա փորձերից և արևահարումից հետո ինձ մոտեցավ Պյոտր Իլյիչ Չայկովսկին ու ասաց`Ժանուլիկ, այլևս նման բան մի արա, ես հասկացա՝ ես բալետի հետ կապ չունեմ», – գրել է Լևինան։
Ժաննան շնորհակալություն է հայտնել ընկերուհիներ Ելենա Ջանիբեկյանին և Ռոզա Պապյանին իրեն սատարելու համար։
«Ամեն դեպքում փոքրիկ կարապների պարը պետք է պարեն իսկապես փոքրիկ կարապները», – խոստովանել է Լևինան։
Գարիկ Մարտիրոսյանն ու Ժաննա Լևինան ամառային հանգիստն անցկացնում են Երևանում` երկրպագուներին ժամանակ առ ժամանակ ուրախացնելով հետաքրքիր լուսանկարներով ու մեկնաբանություններով։
