ԵՐԵՎԱՆ, 29 հունիսի — Sputnik. ՀՀ վարչապետ Կարեն Կարապետյանը կառավարության նիստի ժամանակ հայտնեց, որ հանրությունը դժգոհում է դատական գործերի տևողությունից։
«Պետք է արձանագրել, որ դատական գործերի քննության երկար տևողությունը պայմանավորված է նաև օբյեկտիվ պատճառներով։ 2016 թվականի ընթացքում դատարաններում եղել է 133 հազար քաղաքացիական գործ»,- ասաց գործադիրի ղեկավարը։
Կարեն Կարապետյանն անհրաժեշտ համարեց նշել, որ դատարանների գերբեռնվածությունը լուրջ ռիսկեր է առաջացնում արդարադատության արդյունավետության ու մատչելիության տեսանկյունից։
Կարեն Կարապետյանն արդարադատության նախարար Դավիթ Հարությունյանին հանձնարարեց վերհանել քաղաքացիական գործերի գերակշիռ մասը կազմող տեսակները և առաջարկություններ ներկայացնել կառավարության աշխատակազմ։
