ԵՐԵՎԱՆ, 28 հունիսի – Sputnik. Ադրբեջանը Հայաստանի պատժիչ գործողությունների հետևանքով վերջին 10 օրվա ընթացքում առնվազն ութ հոգի է կորցրել։ Այս մասին լրագրողների հետ հանդիպմանն ասաց ՀՀ պաշտպանության նախարար Վիգեն Սարգսյանը։
«Վերջին տասը օրվա ընթացքում, մեր կողմից հաստատված տվյալներով, ադրբեջանական կողմն ունի առնվազն 8 զոհ, չհաստատված թիվը շատ ավելի մեծ է», – ասաց նախարարը։
Նրա խոսքով` սա նշանակում է, որ հայկական կողմի պատժիչ գործողություններն արդյունավետ են կատարվել, սակայն մահացածների ստույգ քանակի մասին ապացույցներ չկան։
Սարգսյանի խոսքով` այդ 8 զոհից դեռևս ոչ մեկը հուղարկավորված չէ, և ադրբեջանական մամուլում այդ զոհերի մասին որևէ լուր մինչև այսօր չկա:
Նշենք, որ հայկական կողմը պատժիչ գործողությունների էր դիմել չորս հայ զինծառայողների մահից ու ադրբեջանական դիվերսիայից հետո։
