ԵՐԵՎԱՆ, 26 հունիսի — Sputnik. Համացանցում տեսանյութ է հայտնվել, որում հեռուստաաստղ Գարիկ Մարտիրոսյանը երկար բացատրում է կնոջը, որ Եվրոպայի լիգայի գավաթը, որի վրա նա «աչք է դրել» ու ցանկանում է հյուրասենյակում դնել որպես ծաղկաման, ամենևին էլ ծաղկաման չէ։
Կնոջը «խելք հասկացնելու» երկար և ապարդյուն փորձերից հետո Գարիկը գրեթե հանձնվում է։ Բայց այստեղ միջամտում է Հենրիխ Մխիթարյանը…
Այն բանից հետո, երբ «Մանչեսթեր Յունայթեդը» Եվրոպայի լիգայի հաղթող դարձավ, Ժաննա Լևինան Instagram–ի իր էջում գրել էր, որ Հենրիխ Մխիթարյանի «ծաղկամանից» է ուզում։ Գրառումը հետևորդների շարքում մեծ արձագանք ունեցավ։ Նրանք մեղադրում էին Ժաննային հիմար լինելու մեջ։ Կարելի է ենթադրել, որ կատակերգական բեմադրված տեսահոլովակը պատասխան էր վրդովված մարդկանց քննադատությանը։
Ժաննայի չափազանց համառությունը կոչված է հիշեցնել հումորից զուրկ մարդկանց, որ պետք է կյանքում ամեն ինչին ավելի թեթև նայել։
Դիտեք տեսանյութը։
