ԵՐԵՎԱՆ, 26 հունիսի — Sputnik. ՀՀ Ազգային ժողովի նախագահի տեղակալ Արփինե Հովհաննիսյանն ընտրվել է Եվրոպայի խորհրդի խորհրդարանական վեհաժողովի փոխնախագահ:
ԵԽԽՎ լրատվական ծառայությունից հայտնում են, որ հունիսի 26-ին կայացած նստաշրջանի մեկնարկին ընտրվել է երկու փոխնախագահ:
ԵԽԽՎ մյուս փոխնախագահ է ընտրվել Մոլդովան ներկայացնող Վալերիու Գիլեչին (Եվրոպական ժողովրդական կուսակցություն/Քրիստոնեադեմոկրատներ):
Փոխնախագահներն ամեն տարի ընտրվում են հերթական նստաշրջանի սկզբում և պաշտոնավարում են մինչև հաջորդ նստաշրջանի բացումը:
