«Հուսո առագաստ» փառատոնն անցկացվում է երիտասարդ հեղինակ-կատարողների բացահայտելու, նրանց ստեղծագործական գործունեությունը խթանելու և բեմ տրամադրելու, ինչպես նաև՝ մշակութային միջավայր ստեղծելու, հեղինակ-կատարողների ու հեղինակային երգի սիրահարների միջև անմիջական շփում ապահովելու նպատակով։
«Հուսո առագաստ» հեղինակային երգի փառատոնն այս տարի կանցկացվի հունիսի 14-16-ը Սևանա լճի ափին։
«2015-16 թվականների փառատոների արդյունքում մենք արդեն ծանոթացել ենք ստեղծագործող երիտասարդների հետ։ Նույնիսկ նրանց ստեղծագործություններից մի քանիսը ներառվել են 2016 թվականի հեղինակային երգի ժողովածուում»,- նշեց Զորիկյանը։
Հեղինակ կատարողի խոսքով` «բարդ» երգիչները մշտապես մասնակցում են Երևանում կազմակերպվող տարբեր միջոցառումներին, որոնց թվում են նաև «Էրեբունի Երևանն» ու «Երևանյան ամառը»։
