ԵՐԵՎԱՆ, 24 հունիսի — Sputnik. Օգոստոսին մեկնարկող բասկետբոլի աշխարհի առաջնության ընտրական փուլից առաջ Հայաստանի հավաքականի կազմը կհամալրի Քրիս Յանկու Օսիկյանը: Հայ բասկետբոլիստը հանդես է գալիս թուրքական «Սակարյա» թիմում:
Հայաստանի բասկետբոլի ֆեդերացիայից հայտնում են, որ հավաքականի գլխավոր մարզիչ Նիկշա Բավցևիչը երկար ժամանակ հետևել է Քրիս Յանկու Օսիկյանի խաղին: Բավցևիչը մեծ ցանկություն ուներ, որ նա խաղա ազգային թիմի կազմում:
22-ամյա բասկետբոլիստը ծնվել է Թուրքիայում, իսկ նրա ընտանիքը որոշ ժամանակ անց բնակություն է հաստատել ԱՄՆ-ում: 193սմ հասակ ունեցող պաշտպանը հաջողությամբ հանդես է եկել Միացյալ Նահանգների ուսանողական լիգաներում, իսկ 2016 թվականի ամռանը տեղափոխվել է «Սակարյա»:
Առաջիկայում ևս մի քանի համալրումներ են սպասվում մեր հավաքականի կազմում:
