ԵՐԵՎԱՆ, 24 հունիսի — Sputnik. «Հիդրոմետ» ծառայության կենտրոնի պետ Գագիկ Սուրենյանը ֆեյսբուքյան իր էջում հայտնում է, որ այսօրվանից՝ հունիսի 24-ից, անցնում ենք բուն ամառային ռեժիմի:
«Ցիկլոնային գործունեությունը գրեթե վերանում է՝ իր տեղը զիջելով Իրաքից ներթափանցող արևադարձային տաք օդային հոսանքներին»,- գրել է Սուրենյանը:
Ըստ Սուրենյանի՝ առաջիկա 5 օրերին հանրապետության ողջ տարածքում սպասվում է առանց տեղումների եղանակ:
Օդի ջերմաստիճանը բոլոր մարզերում հունիսի 24-28-ն աստիճանաբար կբարձրանա 5-6 աստիճանով՝ հունիսի 27-28-ին հովտային շրջաններում հասնելով +35-ից +36 աստիճանի:
