Ռուսաստանը հրապարակել է «Իսլամական պետության» դիրքերը հրթիռակոծելու տեսանյութը

ԵՐԵՎԱՆ, 23 հունիսի — Sputnik. ՌԴ ռազմածովային նավատորմի նավերը «Կալիբր» տեսակի թևավոր հրթիռներով հարվածներ են հասցրել Սիրիայում «Իսլամական պետություն» ահաբեկչական խմբավորման օբյեկտների ուղղությամբ, հաղորդում է ՌԻԱ Նովոստին՝ հրապարակելով Ռուսաստանի պաշտպանության նախարարության տրամադրած տեսանյութը։

Սիրիայում ԻՊ օբյեկտների ուղղությամբ վեց թևավոր հրթիռներն արձակվել են Միջերկրական ծովի ավազանի արևելյան հատվածից՝ Ռուսաստանի ռազմածովային նավատորմի «Ծովակալ Էսեն», «Ծովակալ Գրիգորովիչ» հածանավերից և «Կրասնոդար» սուզանավից:

Հարվածների հետևանքով ոչնչացվել են Համա շրջանում գրոհայինների կառավարման կետերը և զենքի խոշոր պահեստներ, որտեղ հրթիռի ընկնելուց հետո պայթել է զինանոց:

Թուրքիայի և Իսրայելի հրամանատարությունները փոխգործակցության ալիքներով ժամանակին տեղեկացվել են հրթիռային արձակումների մասին, հավելել են ռուսական ռազմական գերատեսչությունից։