ԵՐԵՎԱՆ, 23 հունիսի — Sputnik. Վրացի գործարարները Վրաստանի էկոնոմիկայի և կայուն զարգացման նախարար Գեորգի Գախարիայի գլխավորությամբ Երևան կժամանեն հունիսի 29-ին։
Այցը նախատեսված էր Հայաստանի և Վրաստանի վարչապետներ Կարեն Կարապետյանի և Գեորգի Կվիրիկաշվիլու պայմանավորվածությունների շրջանակում, հայտնում է վրացական «Առաջին» տեղեկատվական գործակալությունը։ Պարբերականը նշում է, որ նույն օրը կանցկացվի հայ–վրացական բիզնես–ֆորումը, որին կմասնակցեն երկու երկրների նախարարներն ու գործարարները։
Երկկողմ հանդիպման շրջանակներում կողմերը կքննարկեն շինարարությանը, առողջապահությանը, զբոսաշրջությանը, ազատ առևտրի գոտուն նվիրված հարցեր։ Ավելի վաղ ` ընթացիկ տարվա փետրվարին, հայկական պատվիրակությունը` վարչապետ Կարեն Կարապետյանի գլխավորությամբ, երկօրյա այցով Վրաստանում էր։
