Հասմիկ Աբովյանի խոսքով` գենետիկորեն մոդիֆիկացված օրգանիզմներ (ԳՄՕ) պարունակող բույսերը 40 տոկոսով քիչ են պահանջում թունաքիմիկատներ։ Ըստ նրա` թունաքիմիկատը մեծ չարիք է. վնասում է և՛ արտաքին միջավայրը, և՛ մարդու առողջությունը։
«Իսկ ԳՄՕ-ն մեզ ազատում է թունաքիմիկատներից։ Մարդը տեսնում է, որ կոնկրետ գենը լավն է և այն տեղափոխում է բույսի մեջ, որպեսզի բույսը դառնա կայուն։ ԳՄՕ-ի հակառակորդներն ասում են` ԳՄՕ-ն վնասում է բնությունը, կենդանիներին և մարդուն։ Այդ պնդումներն այնքան անհեթեթ են, որ հավատդ չի գալիս, թե գիտական կոչում ունեցող մարդը կարող է այդ մասին խոսել»,- ասում է Աբովյանը։
Նրա խոսքով` երբ մենք թունաքիմիկատներ ենք օգտագործում, սպանում ենք մոլախոտերն ու միջատներին։
«Դեռ դպրոցի ծրագրից գիտենք, որ մարդու, բույսերի և միջատների միջև գոյություն ունի սննդային կապ։ Եվ եթե այդ շղթայից մեկը վերանա, ապա ամբողջ շղթան կխախտվի»,- նշեց Աբովյանը։
Զրույցի ամբողջական տարբերակը կարող եք ունկնդրել Sputnik Արմենիա ռադիոկայանի (106.0 FM) «Կաղապարից դուրս» հաղորդման շրջանակում։
