Իսրայելաբնակ հայերին հասկանալու համար գեթ մեկ անգամ պետք է հայտնվել նրանց տեղում և զգալ նրանց կրած բեռի ամբողջ ծանրությունը։
Հայերն այստեղ թուլանալու իրավունք չունեն. նրանք չեն կարող սխալներ թույլ տալ ո՛չ աշխարհիկ, ո՛չ էլ հոգևոր կյանքում. գերմանական ճշտապահություն է պետք։
Sputnik Արմենիայի նկարահանող խումբը եղել է Իսրայելում և սեփական աչքերով տեսել, թե ինչպես են այնտեղ ապրում մեր հայրենակիցները։
«Հայաստանում ծառայելը մի բան է` պատարագ ես մատուցում ու գնում ես տուն, բոլորովին այլ բան, երբ նույնն անում ես Իսրայելում։ Այստեղ, բացի ծառայությունից, ստիպված ես նաև պահպանել քո ժառանգությունը, որպեսզի կաթոլիկները կամ հույները ոչինչ չյուրացնեն։ Անընդհատ պայքարում ես, որպեսզի ոչինչ հանկարծ չկորցնես»,- Sputnik Արմենիայի թղթակցի հետ զրույցում ասաց հոգևորական Արա Սիմոնյանը։
Սուրբ Նիկողայոս վանքում մի նկար է պահվում, որն ապացուցում է, թե ինչպես են Նապոլեոնի բանակի զինվորները ժամանակին ապաստանել հայկական տաճարում։ Նապոլեոնն անձամբ շնորհակալություն է հայտնել հայ պատրիարքին մատուցած ծառայության համար։ Սակայն Նապոլեոնի երկօրյա այցը ոմանք կապում են նրա անձնական թիկնապահ հայազգի Մյուրատի հետ։
Մանրամասները դիտեք Sputnik Արմենիայի գլխավոր խմբագիր Ալինա Օրդյանի հեղինակային հաղորդաշարում։
