ԵՐԵՎԱՆ, 21 հունիսի — Sputnik. Գյումրեցի բռնցքամարտիկը քառորդ եզրափակչում, առավելության հասնելով հունգարացի Ռիխարդ Կովաչի նկատմամբ, դուրս եկավ կիսաեզրափակիչ ու առնվազն ապահովեց բրոնզե մեդալը:
Հովհաննես Բաչկովը մեր հավաքականի առաջատար բռնցքամարտիկներից է։ Նա հին աշխարհամասի առաջնությունում անցկացրած երկու մենամարտերում էլ ցույց է տալիս իր վարպետությունը: Կիսաեզրափակիչում` հունիսի 23-ին, Բաչկովը մրցելու է լեհ Մաթեուշ Պոլսկիի հետ:
Եվրոպայի առաջնությունում Հայաստանը ներկայացնող բռնցքամարտիկներից Բաչկովից բացի պայքարը շարունակում է նաև Կարեն Տոնականյանը: Այսօր երեկոյան մրցահերթում Տոնականյանը 60 կգ քաշային կարգում մրցելու է ռուսաստանցի Գաբիլ Մամեդովի հետ:
