ԵՐԵՎԱՆ, 21 Հունիս — Sputnik. Հեռուստաաստղ և բարձրաշխարհիկ հասարակության ներկայացուցիչ Քիմ Քարդաշյանը թողարկել է KKW Beauty կոսմետիկայի իր նոր շարքը և սոցցանցի իր էջում նոր բրենդի հետ կապած լուսանկար է տեղադրել, գրում է People պարբերականը։
Լուսանկարն անմիջապես բուռն հույզեր է առաջացրել և մի շարք մեկնաբանություններ են գրվել՝ կապված Քարդաշյանի մաշկի գույնի հետ։ Օգտատերերը համոզված են, որ հեռուստաաստղը մտադրված է փոխել մաշկի գույնը, արտադրանքի վրա ուշադրություն հրավիրելու համար։
Ընդ որում, Քարդաշյանը մեկնաբանել է ռասիզմի մեջ մեղադրանքները` հայտարարելով, որ պարզապես արհեստական արևայրուք է ընդունել։
Երկու երեխաների մայրը նաև իր հարգանքն է հատնել սևամորթների նկատմամբ` հայտարարելով, որ իր գործողություններով մտադիր չի եղել որևէ մեկն նեղացնելու։ Հեռուստաաստղը նշել է, որ լուսանկարները նախապես ցույց է տվել մտերիմներին և մասնագետներին, որոնք մաշկի գույնին ուշադրություն չեն դարձրել։ Քարդաշյանը հայտնել է, որ ֆոտոշարքի լուսանկարները կխմբագրվեն հասարակության բողոքները հաշվի առնելով։
