Լարիսա Ալավերդյան
«Ընդդեմ իրավական կամայականությունների» ՀԿ նախագահ Լարիսա Ալավերդյանը, Sputnik Արմենիայի հետ զրույցում մեկնաբանելով ԵԱՀԿ ՄԽ համանախագահների վերջին հայտարարությունը, նշեց, որ այն «համարժեք է փոփոխվող իրավիճակին»:
Լարիսա Ալավերդյանը, սակայն, հույս չունի, որ հերթական հայտարարությունը որևէ փոփոխություն կառաջացնի ԼՂ խնդրի կարգավորման իրական գործընթացում:
«Ես լավատեսական սպասելիքներ չունեմ, գնահատում եմ այն ջանքերը, որ գործադրում են ՄԽ համանախագահները, բայց որևէ փոփոխություն Ադրբեջանի քաղաքականության մեջ ամենևին չեմ սպասում»,- ասաց Ալավերդյանը:
Միակ խնդիրն, ըստ ՄԻՊ նախկին պաշտպանի, այն է, որ Ադրբեջանը հրապարակավ ցույց է տալիս, որ արհամարհում է Մինսկի խմբի հայտարարությունները:
