Երվանդ Բոզոյան
ԵԱՀԿ Մինսկի խմբի առաքելությունը ռազմական գործողությունների վերսկսումը կանխելն է: Այս մասին Sputnik Արմենիայի հետ զրույցում ասաց քաղաքագետ Երվանդ Բոզոյանը՝ այս տեսակետից մեկնաբանելով համանախագահների վերջին հայտարարությունը:
«Ավելի լավ է սառը, քան տաք պատերազմ. ԵԱՀԿ Մինսկի խումբն այս մոդելով է շարժվում»,- ասաց Բոզոյանը՝ հավելելով, որ այս տեսակետից կարևորը բանակցային գործընթացի առկայությունն է:
Ինչ վերաբերում է հայտարարության մեջ նշված տարածքներին, որոնք անվանվում են «ԼՂ շուրջ տարածքներ», Բոզոյանը կարծիք հայտնեց, որ նման ձևակերպմամբ համանախագահները փորձում են տարանջատված սկզբունքով հանդես գալ, որ կա Լեռնային Ղարաբաղ և դրա շուրջ տարածքներ՝ սրանով պարզեցնելով բանակցային հետագա գործընթացը:
