ԵՐԵՎԱՆ, 19 հունիսի – Sputnik. Եվրամիությունը, հավանաբար, կերկարացնի Ռուսաստանի դեմ տնտեսական պատժամիջոցների կիրառումը, քանի որ Մինսկի պայմանավորվածությունների իրական տեղաշարժ չի նկատվում, ՌԻԱ Նովոստիին հայտնել է ԵՄ դիվանագիտության ղեկավար Ֆեդերիկա Մոգերինին:
«Պետք է փաստեմ, որ համաձայնագրի կատարման իրական տեղաշարժ չկա։ Կարծում եմ, որ որոշում կկայացվի երկարացնել պատժամիջոցների կիրառումը»,– ասել է Մոգերինին` պատասխանելով այն հարցին, թե արդյո՞ք քննարկվելու է Ռուսաստանի դեմ պատժամիջոցների կիրառման հարցը ԵՄ գագաթնաժողովին, որը տեղի կունենա հունիսի 22 և 23–ին։
Ընդ որում` նա նշեց, որ այդ հարցը գագաթնաժողովից հետո է քննարկվելու։
«Պատժամիջոցները երկարացնելու համար մենք մինչև հուլիսի վերջ ժամանակ ունենք»,– հայտարարել է ԵՄ դիվանագիտության ղեկավարը»։
Ավելի վաղ ամերիկացի հանրապետական սենատոր Լինդսի Գրեմը հայտարարել է, որ ԱՄՆ կոնգրեսը մտադիր է խստացնել Ռուսաստանի դեմ պատժամիջոցները։
