Արթուր Մարատիչ (Զաքարյան)
«Ես միշտ տեղ եմ տալիս մեր երեխաներին, մերոնք շատ տաղանդավոր են, հարկավոր է գնահատել ունեցածդ ու ներդրում անել քոնն առաջ տանելու համար»,- ասաց «Երևան» պարային ստուդիայի գեղարվեստական ղեկավար Արթուր Զաքարյանը։
Նա մերժում է այն մոտեցումը, երբ դրսից են ինչ-որ մարդկանց հրավիրում՝ ներկայացնելու Հայաստանը, վճարում նրանց շատ բարձր, մինչդեռ մեր երկրում ստեղծագործողներին տեղ չեն տալիս։
Արթուր Զաքարյանը համոզված է, որ անհրաժեշտ է առաջ տանել մեր երեխաներին, գնահատել նրանց տաղանդը, օտարամոլությամբ չտարվել և հիշել, որ երբ մի թիմում աշխատում են նույն ազգի մարդիկ, որոնց թիկունքում նույն դրոշն ու գերբն է, արդյունքը շատ ավելի գոհացուցիչ է լինում։
Զրույցն ամբողջությամբ կարող եք ունկնդրել Ամալյա Պապյանի «Կաղապարից դուրս» հաղորդաշարի ընթացքում (FM106)։
