Արմեն Աշոտյան. «Ստեփանակերտում քաղաքական շահերը ստորադասվում են երկրի շահերին»

Համաժողովից հետո ՀՀԿ խմբակցության պատգամավոր Արմեն Աշոտյանը Sputnik Արմենիայի հետ զրույցում ասել է, որ հայկական քաղաքական իրականության մեջ դա յուրահատուկ միջոցառում է, որի ընթացքում Հայաստանի և Արցախի քաղաքական ուժերը կարողանում են հանդես գալ միասնաբար։

Նա նշել է, որ համաժողովը, որպես քաղաքական մշակույթ, նպաստում է համաձայնության գալ կարևոր հարցերի շուրջ, լինել միահամուռ։

Արմեն Աշոտյանը հայտնել է, որ համաժողովը մշտապես տեղի է ունենալու Ստեփանակերտում, քանի որ այն միակ վայրն է, որտեղ քաղաքական անխտիր բոլոր ուժերը ստորադասում են իրենց շահերը պետականին, միջկուսակցական բոլոր տարաձայնությունները հարթվում են։

Զրույցը վարեց Աննա Վարդանյանը։ Ամբողջական տարբերակը կարող եք ունկնդրել Sputnik Արմենիա ռադիոկայանի եթերում (FM106)։