ԵՐԵՎԱՆ, 18 հունիսի — Sputnik. ՀՀ ԱԻՆ մամուլի ծառայությունը տեղեկացնում է, որ ըստ նախնական տվյալների՝ պատահարի հետևանքով մահացել է 1, տուժել՝ 6 քաղաքացի, որոնց թվում կան ազգությամբ հայեր:
Դեպքի վայր է մեկնել ՌԴ-ում ՀՀ դեսպանատանը ԱԻՆ ներկայացուցիչ փ/ծ գնդապետ Ա. Ղազարյանը, ով ժամը 17:30-ին հաղորդել է, որ բախվել են «ԿամԱԶ» մակնիշի բեռնատար ավտոմեքենան և «Իվեկո» մակնիշի 22 GG 299 պետհամարանիշով միկրոավտոբուսը: Միկրոավտոբուսում եղել է 20 քաղաքացի: Պատահարի հետևանքով կա 1 զոհ և 9 տուժած: Տուժածներից 6-ը տեղափոխվել են Ստուպինո, 3-ը Տուլա քաղաքի հիվանդանոց:
Զոհը ՌԴ քաղաքացի 1961թ. ծնված Նասիրով Օթարն է:
Լրատվամիջոցների տեղեկություններով՝ Երևան-Մոսկվա ավտոճանապարհին վթարի ենթարկված միկրոավտոբուսը պատկանել է Քուչակ-տուր ՍՊԸ-ին: Վթարի արդյունքում մահացածների թվում է նաև վարորդ Կարապետ Մովրոզյանը:
Նախարարության նախնական տեղեկություններով՝ «Iveco» մակնիշի մեքենան կատարել է ոչ կանոնավոր ուղևորափոխադրումներ: Ուղևորափոխադրում իրականացրած վարորդը եղել է Արթիկից:
Հիշեցնենք, որ հունիսի 18-ին, ժամը 14.13-ին տեղեկություն է ստացվել, որ Ռուսաստանի Դաշնության Տուլայի շրջանում` Մոսկվա-Երևան ավտոճանապարհի 133-րդ կմ-ին, տեղի է ունեցել ՃՏՊ՝ բախվել են «ԿամԱԶ» մակնիշի բեռնատար ավտոմեքենան և երթուղային միկրոավտոբուսը:
