ԵՐԵՎԱՆ, 17 հունիսի — Sputnik. Ռուսաստանի կառավարությունը Պետդումա է ներկայացրել տիեզերական տարածության հետազոտման և օգտագործման ոլորտում Հայաստանի հետ համաձայնագրի վավերացման մասին օրինագիծը, հայտնում է ՌԻԱ Նովոստին:
«Վավերացնել ՌԴ և ՀՀ կառավարությունների միջև 2016 թվականի ապրիլի 7-ին Երևանում ստորագրված համաձայնագիրը խաղաղ նպատակներով տիեզերական տարածության հետազոտման և օգտագործման ոլորտում»,- ասվում է օրենքի նախագծում:
Համաձայնագրով որոշվում են տիեզերքի ոլորտում համագործակցության զարգացման սկզբունքներն ու նորմերը մտավոր սեփականության իրավունքների պաշտպանության, տարբեր տեսակի տեղեկատվության փոխանակման և պաշտպանության կանոնակարգման հարցերը և այլն:
