ԵՐԵՎԱՆ, 17 հունիսի — Sputnik. «Ալաշկերտի» մարզմանը հետևել են նաև մի քանի բելառուս պատանի ֆուտբոլիստներ, որոնք նախ հետաքրքրվել են, թե որ թիմն է մարզվում և իմանալով, որ Հայաստանի չեմպիոնի կազմում հանդես են գալիս Հայաստանի հավաքականի ֆուտբոլիստներ, հարցրել են՝ արդյոք նրանք ճանաչու՞մ են Հենրիխ Մխիթարյանին։
Պարզվել է՝ տղաներից մեկը Հայաստանի հավաքականի ավագի երկրպագուն է, և պատրաստ է նույնիսկ փոխել քաղաքացիությունը՝ Մխիթարյանի ազգակիցը դառնալու համար.
«Ես ուղղակի երազում եմ ծանոթանալ Մխիթարյանի հետ: Նույնիսկ պատրաստ եմ փոխել քաղաքացիությունս, որպեսզի դառնամ Հենրիխի ազգակիցը»,- տղայի խոսքերն է փոխանցում «Ալաշկերտի» մամուլի քարտուղարությունը:
