ԵՐԵՎԱՆ, 16 հունիսի — Sputnik. Երևանի ավագանին որոշեց Չարենց-Սայաթ Նովա փողոցների խաչմերուկում գտնվող մինչ օրս անանուն հրապարակն անվանել Արգենտինայի հրապարակ։
Հարցի քննարկման ընթացքում «Ելք» խմբակցությունը դժգոհություն հայտնեց, որ երևանցիների 8932 ստորագրությամբ առաջարկը՝ Լենինգրադյան փողոցն ազգային հերոս Լեոնիդ Ազգալդյանի անունով անվանակոչելու մասին արդեն մի քանի ամիս է, ինչ ավագանու նիստերի օրակարգում չի ներառվում։
Այդուհանդերձ, ընդդիմադիր խմբակցությունները ևս Երևանում Արգենտինայի հրապարակ ունենալու առաջարկին դեմ չէին, ուստի առաջարկն արժանացավ նաև նրանց հավանությունը։ Նշենք, որ հիշյալ հրապարակը Արգենտինայի անունով կոչելու առաջարկն արել է ՀՀ-ում Արգենտինայի դեսպանատունը։
