ԵՐԵՎԱՆ, 15 հունիսի — Sputnik. Ռուս մոդել Վիկտորյա Լոպիրևան Հենրիխ Մխիթարյանին շնորհակալություն է հայտնել ֆեյսբուքյան իր էջում։
«Շնորհակալություն, Միկի, որ ինձ սովորեցրիր սովորական երևույթներին նայել նորովի։ Ջերմ ընդունելության արժանացա Հայաստանում»,- ֆեյսբուքյան իր էջում գրել է Լոպիրևան և Հենրիխ Մխիթարյանի հետ լուսանկար հրապարակել։
Լուսանկարի տակ նա հայերեն գրառում է թողել «Հայաստանը գեղեցիկ երկիր է, որտեղ հրաշալի մարդիկ են ապրում: Շնորհակալություն ձեզ ջերմ ընդունելության համար»:
Նշենք, որ 2018 թվականի Ֆուտբոլի աշխարհի առաջնության դեսպան, ռուս մոդել Վիկտորյա Լոպիրևան այցելել էր Հայաստան, եղել Հաղարծնի վանքում։ Նրան ուղեկցել էր Հայաստանի ֆուտբոլի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը։
