ԵՐԵՎԱՆ, 12 հունիսի — Sputnik. ՆԱՏՕ-ի համար բոլորովին մտահոգիչ չէ Հայաստանի անդամակցությունը Եվրասիական տնտեսական միությանը կամ Հավաքական անվտանգության պայմանագրի կազմակերպությանը: Հունիսի 12-ին Երևանում լրագրողների հետ հանդիպմանն այս մասին ասաց Կենտրոնական Ասիայում և Հարավային Կովկասում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապատուրայը:
«Մենք հարգում ենք Հայաստանի հավասարակշռված արտաքին քաղաքականությունը: Հայաստանը շարունակում է մնալ վստահելի գործընկեր ՆԱՏՕ-ի համար»,- ասել է Ապատուրայը:
Նա նշել է, որ ՆԱՏՕ-ն շարունակելու է Հայաստանի հետ համագործակցել բոլոր այն ուղղություններով, որտեղ դա ողջամիտ կհամարվի:
