ԵՐԵՎԱՆ, 11 հունիսի — Sputnik. Չեռնոգորիա (Մոնտենեգրո)-Հայաստան խաղից հետո, երբ հյուրերի սեկցիայում գտնվող շուրջ 80 հայ երկրպագուները, անվտանգության կարգադրությունները լսելով, 30 րոպե սպասելուց հետո ոստիկանների ուղեկցությամբ հեռանալիս են եղել մարզադաշտից, նրանց վրա հարձակվել է Մոնտենեգրոյի երկրպագուների խուլիգանական խմբավորումը։
Խմբավորումը նպատակ է ունեցել դրոշներ, պաստառներ զավթել։ Այդ մասին իր ֆեյսբուքյան էջում տեղեկացնում է ՖԱՖ-ը։
Արժանանալով ՖԱՖ-ի դիմադրության, հարձակվողներին ոչինչ զավթել չի հաջողվել։ 2 կողմից եղել են բերման ենթարկվածներ և հոսպիտալացվածներ։ Ոստիկանությունը կիրառել է անհամաչափ ուժ։
ՈՒշ գիշերին ոստիկանական բաժանմունքից և հիվանդանոցից շարժման անդամների դուրս գրվելուց հետո ՖԱՖ-ը ողջ անձնակազմով վերադարձել է Բուդվա։
