ԵՐԵՎԱՆ, 10 հունիսի — Sputnik. Ռուս սահամանապահները կանխել են թմրամիջոցների ներկրումը Հայաստանի տարածք, հայտնում է Հայաստանում Ռուսաստանի Անվտանգության դաշնային ծառայության (ԱԴԾ) սահմանապահ վարչության մամուլի ծառայությունը։
«Հունիսի 7-ի լույս 8 գիշերը «Ագարակ» անցակետում (Սյունիքի մարզ) Ռուսաստանի Անվտանգության դաշնային ծառայության սահմանապահ վարչության Մեղրիի սահմանապահ ջոկատը «Մեղրի» մաքսային կետի աշխատակիցների հետ համատեղ անցկացրած ստուգման ընթացքում Թեհրան-Երևան երթուղով ընթացող միջազգային ավտոբուսի նստարանների մեջ պոլիէթիլենային տոպրակ են հայտնաբերել, որում բուսական ծագում ունեցող մուգ շագանակագույն նյութ է եղել (ենթադրաբար՝ ափիոն)՝ ավելի քան 20գ», — ասված է հաղոդագրության մեջ։
Հայտաբերված նյութը սահմանված կարգով փոխանցվել է հայկական կողմին՝ հետագա փորձաքննություն իրականացնելու նպատակով։
Նշվում է, որ 2016 թվականին Հայաստանում Ռուսաստանի ԱԴԾ սահմանապահ վարչության աշխատակիցները, որոնք հսկում են հայ-իրանական սահմանը, հայտնաբերել և կանխել են ավելի քան 5,5 կիլոգրամ թմրամիջոցի ներկրումը Հայաստան։
Թուրքիայի (330 կմ) և Իրանի (45 կմ) հետ Հայաստանի պետական սահմանի պահպանումը իրականացնում է Ռուսաստանի ԱԴԾ սահմանապահ վարչությունը։ Հայաստանում Ռուսաստանի ԱԴԾ սահմանապահ վարչության մեջ մտնում են չորս սահմանապահ ջոկատներ, որոնք տեղակայված են Գյումրիում, Արմավիրում, Արտաշատում և Մեղրիում, ինչպես նաև առանձին հսկիչ անցակետեր Երևանի «Զվարթնոց» միջազգային օդանավակայանում։
