ԵՐԵՎԱՆ, 9 հունիսի — Sputnik. Աշխատանքային այցով Ղազախստանի Հանրապետություն ժամանած նախագահ Սերժ Սարգսյանն այսօր երեկոյան հյուրընկալող երկրի նախագահ Նուրսուլթան Նազարբաևի, Աստանա այցելած այլ երկրների պատվիրակությունների ղեկավարների հետ «Համագումարների» կենտրոնում ներկա է գտնվել «Ապագայի էներգիա» խորագիրը կրող «Աստանա Էքսպո 2017» միջազգային մասնագիտացված ցուցահանդեսի բացման պաշտոնական արարողությանը: Այս մասին տեղեկացնում են ՀՀ նախագահի մամուլի ծառայությունից։
Մինչ այդ Նախագահ Սարգսյանը հյուրընկալվել է ցուցահանդեսային համալիրում, որտեղ մասնակից երկրների պատվիրակությունների ղեկավարների արարողակարգային համատեղ լուսանկարահանումից հետո, այցելել է «Նուր-Ալեմ» կոչվող կենտրոնական տաղավար, որից միևնույն հեռավորության վրա տեղակայված են բոլոր ազգային տաղավարները:
![Սերժ Սարգսյանը ներկա է գտնվել «Աստանա Էքսպո 2017» միջազգային ցուցահանդեսի բացման պաշտոնական արարողությանը Սերժ Սարգսյանը ներկա է գտնվել «Աստանա Էքսպո 2017» միջազգային ցուցահանդեսի բացման պաշտոնական արարողությանը - Sputnik Արմենիա](https://cdn.am.sputniknews.ru/img/759/55/7595551_0:0:1000:628_600x0_80_0_0_f6eb589b0ee95b81fcf1a6559664f931.jpg)
![Սերժ Սարգսյանը ներկա է գտնվել «Աստանա Էքսպո 2017» միջազգային ցուցահանդեսի բացման պաշտոնական արարողությանը Սերժ Սարգսյանը ներկա է գտնվել «Աստանա Էքսպո 2017» միջազգային ցուցահանդեսի բացման պաշտոնական արարողությանը - Sputnik Արմենիա](https://cdn.am.sputniknews.ru/img/759/56/7595656_0:37:1000:666_600x0_80_0_0_6b9675736815e0f8fe3f33a4c0bcd1df.jpg)
![Սերժ Սարգսյանը ներկա է գտնվել «Աստանա Էքսպո 2017» միջազգային ցուցահանդեսի բացման պաշտոնական արարողությանը Սերժ Սարգսյանը ներկա է գտնվել «Աստանա Էքսպո 2017» միջազգային ցուցահանդեսի բացման պաշտոնական արարողությանը - Sputnik Արմենիա](https://cdn.am.sputniknews.ru/img/759/54/7595491_0:0:1000:628_600x0_80_0_0_51c01df7f9349c12f5aa660891bb3552.jpg)
Էներգիայի այլընտրանքային աղբյուրներին և «կանաչ» տեխնոլոգիաներին նվիրված ցուցահանդեսում մասնակից երկրները ներկայացնում են էներգախնայողության համաշխարհային լավագույն տեխնոլոգիաները, էներգիայի այլընտրանքային աղբյուրների օգտագործման բնագավառում առկա նորագույն մշակումները: