ԵՐԵՎԱՆ, 9 Հունիս — Sputnik. Թուրքիայի իշխանություններն առաջին անգամ պաշտոնապես արձագանքել են Իրաքյան Քրդստանի՝ անկախության վերաբերյալ հանրաքվե անցկացնելու հայտարարությանը, գրում է թուրքական diken.com.tr կայքը։
Ըստ այդմ՝ Թուրքիայի արտաքին գործերի նախարարությունը հայտարարել է, որ հանրաքվեի վերաբերյալ իրենց մտահոգությունները հայտնել են իրաքյան Քրդստանի և Իրաքի հանրապետության առաջնորդներին:
Իրաքցի քրդերը հանրաքվե կանցկացնեն այս տարվա սեպտեմբերի 25-ին: Դրանից հետո նախատեսվում է խորհրդարանական ընտրություններ կազմակերպել նոյեմբերի 6-ին: Ապրիլին Իրաքյան Քրդստանի երկու ամենախոշոր կուսակցությունները համարվող KDP-ն և KYB-ն արդեն համաձայնության են եկել այդ հարցում:
