ԵՐԵՎԱՆ, 8 հունիսի — Sputnik. RT-ի գլխավոր խմբագիր Մարգարիտա Սիմոնյանը մեկնաբանել է RT Ruptly-ի պատրաստած տեսանյութը, որում երեք տարեկան Օմրան Դակնիշի հայրը պատմում է, թե ինչ է տեղի ունեցել 2016 թվականին Հալեպում և ինչպես են իր տղային օգտագործել քարոզչություն իրականացնելու նպատակով։ Նշենք, որ արևմտյան լրատվամիջոցները փոքրիկի նկարը տարածել էին` փորձելով ցույց տալ, թե ինչ է տեղի ունեցել Ռուսաստանի «ռմբակոծությունից» հետո։
«Մեր լրագրողները բացահայտել են Սիրիայի մասին պատմող ամենասարսափելի ֆեյքերից մեկը։ Հաջորդ անգամ մեզ հետ կտանենք Քրիստիան Ամանպուրին ու բոլոր ցանկացողներին։ Եթե, իհարկե, նրանք տղայի ու նրա ընտանիքի հետ խոսելու համարձակություն կունենան»,- ասել է Մարգարիտա Սիմոնյանը։
Ավելի վաղ ՌԴ ԱԳՆ ներկայացուցիչ Մարիա Զախարովան մեկնաբանել էր այդ տեղեկությունը և հիշեցրել, որ CNN-ի լրագրող Քրիստիան Ամանպուրը ՌԴ արտգործնախարար Սերգեյ Լավրովի հետ հարցազրույցի ժամանակ ցույց է տվել տղայի լուսանկարը և հարցրել, թե ինչ կարող է ասել նա փոքրիկի ընտանիքի մասին։
Սիմոնյանն Ամանպուրին առաջարկել է հետևել RT-ի օրինակի ն և ազնիվ սյուժե պատրաստել տղայի մասին։
Օմրանի լուսանկարը ԶԼՄ-ներում էր հայտնվել 2016 թվականին։
Արևմտյան լրատվամիջոցները հայտարարել էին, որ Հալեպի հրթիռակոծության մեղավորները Ռուսաստանն ու Սիրիան են։ ՌԴ պաշտպանության նախարարությունն էլ իր հերթին հայտարարել էր, որ փլուզման հետքերը բնորոշ են ահաբեկիչների կիրառած ականներին։
