Հունիսի 9-ին տեղի կունենա Երևանի նորընտիր ավագանու առաջին նիստը։ Հունիսի 12-ին քաղաքապետի երդմնակալությունն է: Իշխող Հանրապետական կուսակցության համար առաջիկա 4 տարին թեժ կլինի: Քաղաքապետարանում մեկ իշխանական խմբակցության հետ երկու ընդդիմադիր է աշխատելու:
«Ունենալով 14 մանդատ` մենք չեն պատրաստվում դրանք դարձնել քննադատության մանդատներ, մենք պատրաստվում ենք դրանցով քաղաքացիների կյանքը թեթևացնելու, Երևանի բարեկարգմամբ զբաղվելու գործունեություն ծավալել»,- ասաց «Ելք» խմբակցության ղեկավար Դավիթ Խաժակյանը։
Ըստ նրա` «Ելք» խմբակցության անդամները պատրաստ են համագործակցել բոլորի հետ ու բոլոր հարցերի շուրջ, կարևոր են համարում խնդիրները լուծել անգամ բախումների ճանապարհով։
