ԵՐԵՎԱՆ, 7 հունիսի — Sputnik. Հայաստանի արտգործնախարար Էդուարդ Նալբանդյանը Թվիթերում գրառում է կատարել` դատապարտելով Իրանի խորհրդարանի և Իմամ Հոմեյնիի դամբարանի վրա իրականացված հարձակումները:
«Խստորեն դատապարտում ենք Իրանի խորհրդարանի և Իմամ Հոմեյնիի դամբարանի վրա իրականացված հարձակումները։ Մեր համերաշխությունն ենք հայտնում Իրանի ժողովրդին», — նշել է Հայաստանի արտգործնախարարը:
FM #Nalbandian: We strongly condemn attacks at #Iran's Parliament and Mausoleum of Ayatollah #Khomeini. In solidarity with people of Iran. pic.twitter.com/uHABjbbtD3
— MFA of Armenia🇦🇲 (@MFAofArmenia) 7 июня 2017 г.
Նշենք, որ այսօր առավոտյան կրակոցներ են հնչել Իրանի խորհրդարանում և Թեհրանում 1979 թվականի Իսլամական հեղափոխության առաջնորդի` այաթոլա Հոմեյնիի դամբարանում:
Լրատվամիջոցների հրապարակումների համաձայն` զինված տղամարդը դամբարանում կրակ է բացել մարդկանց ուղղությամբ, մեկ ուրիշն էլ կրակոցներ է արձակել խորհրդարանի ներսում։
Ըստ իրանական «Ֆարս» գործակալության, երկու հարձակումների պատասխանատվությունը ստանձնել է «Իսլամական պետություն» ահաբեկչական խմբավորումը։
