ԵՐԵՎԱՆ, 6 հունիսի – Sputnik. Հայաստանի և Ռուսաստանի Արտակարգ իրավիճակների նախարարությունները պայմանավորվել են տարերային աղետների և դրանց հետևանքների կանխարգելման հարցերի շուրջ համագործակցությունը զարգացնել։
Հայաստանի և Ռուսաստանի ԱԻՆ ղեկավարներ Դավիթ Տոնոյանն ու Վլադիմիր Պուչկովը գերատեսչությունների համագործակցման ակտիվացման մասին հուշագիր են ստորագրել ։
«Շարունակել Հայաստանի և Ռուսաստանի միջև համագործակցությունը` տարերային աղետների և արդյունաբերական վթարների կանխարգելման և դրանց հետևանքների ոչնչացման հարցերի շուրջ», – ասված է փաստաթղթում։
Հանդիպման ընթացքում կողմերը նշել են, որ արտակարգ իրավիճակների ոլորտում հայ-ռուսական համագործակցության նվաճումներից էր Հայ-ռուսական մարդասիրական արձագանքման կենտրոնի ստեղծումը, որը միակն է տարածաշրջանում և մասշտաբային աղետների դեպքում կարող է օգնություն ցուցաբերել տարածաշրջանային մակարդակով:
Կողմերը գոհունակությամբ ընդգծել են, որ ՌԴ և ՀՀ արտակարգ իրավիճակների նախարարությունների համագործակցությունը բազմավեկտոր է: Նախարար Պուչկովը ևս մեկ անգամ շնորհակալություն է հայտնել ՀՀ ԱԻՆ-ին 2010թ.-ին Ռուսաստանի տարածքում բռնկված անտառային հրդեհների մարման գործընթացում ակտիվ օժանդակության համար:
