ԵՐԵՎԱՆ, 6 մայիսի — Sputnik. Գարիկ Մարտիրոսյանը կնոջ հետ Հայաստանում է։ Այդ մասին Ժաննա Լևինան հայտնել է Ինստագրամի իր էջում։
Նկարների տակ արված գրառումներից տպավորություն է ստեղծվում, որ ամուսինները լրջորեն զբաղվում են Հայաստանի գովազդով։ Լևինան լուսանկարների տակ մանրամասն ցուցումներ է գրել սկսնակ զբոսաշրջիկների համար։
«Եկել ենք արևոտ Երևան։ Բոլոր նրանց համար, ովքեր չեն եղել այս հյուրընկալ երկրում, ես կգրեմ այն պատճառները, թե ինչու է պետք անպայման այցելել այս գեղեցիկ քաղաք։ Հ.Գ. Ռուսաստանի քաղաքացիները 2017 թվականից կարող են Հայաստան այցելել ներքին անձնագրերով, արտասահմանյան անձնագիր ու վիզա այլևս անհրաժեշտ չէ»,- գրել է Ժաննան։
Նա նաև հիշեցրել է, որ Հայաստան ավտոմեքենայով գալու դեպքում պետք է անցնել Վրաստանով։
«Այդ դեպքում ձեզ պետք կլինի արտասահմանյան անձնագիրը վրացական սահմանը հատելու համար»,- մանրամասնել է նա։
Այնուհետև Ժաննան նաև խոսել է հայերի մասին` համեմատելով անգլիացիների հետ։
«Անգլիայում ընդունված է սուրճ ըմպել երեկոյան հինգին, իսկ Հայաստանում սուրճ են խմում 24 ժամ շարունակ։ Այդ պատճառով էլ անգլիացիները խաղաղ ժողովուրդ են, իսկ հայերն` անհանգիստ»,- գրել է նա։
Վերջում նա հրապարակել է Հայաստանի «քարե» դրոշը։
Իսկ իր օրագիրն էլ այսպես է վերնագրել. «Այս էջում գրված գրառումները երկարացնում են կյանքը։ Երաշխավորված է Առողջապահության նախարարության կողմից։ Դե ինչ, արժե ստուգել»։
