ԵՐԵՎԱՆ, 2 հունիսի – Sputnik. «Աերոֆլոտ» ավիաընկերության չվերթերի ընթացքում Մոսկվայից որևէ այլ քաղաք մեկնող ուղևորների համար հատուկ ճաշացանկ է հասանելի լինելու։ Այդ ճաշացանկը կգործի բիզնես դասի ուղևորների համար` անկախ չվերթի տևողությունից, էկոնոմ դասի ուղևորների համար` երեք ժամից ավելի տևող չվերթերի դեպքում։ Այս մասին նշված է ավիաընկերության պաշտոնական կայքում։
Բիզնես դասի ուղևորների համար ճաշացանկ կազմելու գործընթացին մասնակցել է RT հեռուստաընկերության և Sputnik գործակալության գլխավոր խմբագիր Մարգարիտա Սիմոնյանը։
Բիզնես դասի այն ուղևորները, որոնք կօգտվեն հատուկ ճաշացանկից, կկարողանան ճաշակել «Սիբիրյան ձկների տեսականի», «Չեխովյան սնկեր» և ռուսական խոհանոցի այլ համեղ ուտեստները։
