Աշխարհահռչակ հայ դաշնակահար Շահան Արծրունին Հայաստանում անցկացրած վարպետության դասերի ժամանակ բազում տաղանդավոր երեխաների է հանդիպել, սակայն նրան հատկապես զարմացրել է արցախցի մի պատանի։
Նրա խոսքով` բոլոր երեխաներն էլ շնորհալի են, բայց նրանցից 4-5-ն իսկապես խոստումնալի ապագա կունենան, եթե ճիշտ ուսուցիչների հետ աշխատեն։ Երաժիշտը համոզված է, որ նրանք կկարողանան միջազգային ճանաչման հասնել։ Արծրունուն զարմացրել է նաև արցախցի դաշնակահարներից մեկը։
«Ստեփանակերտում 17 տարեկան մի տղա կա, որը բացառիկ տաղանդ ունի։ Նա մի քանի ամսից պետք է զորակոչվի և երկու տարի չի կարողանա նվագել, ինչը ցավալի է, քանի որ այդ տարիքում նման ընդմիջումներ չի կարելի թույլ տալ դաշանամուր նվագելու պարագայում»,- ասաց նա։
Անվանի դաշնակահարը բարեգործական համերգներ է ունեցել Գյումրիում, Վանաձորում և Բերդում։
